កុមារមានការអភិវឌ្ឍយ៉ាងឆាប់រហ័សទៅលើកាយសម្បទា សតិបញ្ញា ស្មារតី ការគិត សីលធម៌ និងភាសា ទៅតាមបរិយាកាស និងទំនោរនៃមជ្ឈដ្ឋានជុំវិញខ្លួន។ សាលា រីយ៉ាទ អន្តរជាតិ មានជំនាញយ៉ាងពិសេសក្នុងការបណ្តុះបណ្តាលកុមារតូចៗ ដោយផ្តល់នូវបរិយាកាសសិក្សាប្រកបដោយភាពកក់ក្តៅ និងសុវត្ថិភាពខ្ពស់បំផុត។ ដើម្បីឆ្លើយតបទៅនឹងការអភិវឌ្ឍរបស់កុមារ និងតម្រូវការរបស់មាតាបិតា សាលាផ្តល់ជូននូវ ជម្រើសកម្មវិធីសិក្សាចំនួន ៣ ដូចខាងក្រោម៖
បូកបញ្ចូលគ្នានូវមុខវិជ្ជាត្រៀមចំណេះទូទៅខ្មែរ (បុរេសំណេរ បុរេគណិត) + ភាសាអង់គ្លេសសម្រាប់កុមារ + ភាសាអារ៉ាប់ និងការអប់រំឥស្លាមបឋម (ឌូអាប្រចាំថ្ងៃ)។
កុមារនឹងទទួលបានការអភិវឌ្ឍសតិបញ្ញាយ៉ាងរហ័ស ស្គាល់ភាសាចម្រុះតាំងពីតូច និងមានមូលដ្ឋានសីលធម៌ (Adab) ដ៏រឹងមាំ ដោយមានពេលសម្រាក គេងថ្ងៃ និងលេងកម្សាន្តគ្រប់គ្រាន់។
ផ្តោតជាចម្បងលើ បុរេសំណេរ (ការហាត់កាន់ខ្មៅដៃ សរសេរអក្សរ) បុរេគណិត វិទ្យាសាស្ត្រកុមារ និងបំណិនជីវិត។
ជួយកសាងមូលដ្ឋានគ្រឹះភាសាជាតិដ៏រឹងមាំ រៀបចំកុមារឱ្យត្រៀមខ្លួនរួចរាល់សម្រាប់ឈានចូលកម្រិតបឋមសិក្សា (ថ្នាក់ទី១) ប្រកបដោយភាពជឿជាក់។
រៀនភាសាអង់គ្លេស និងអារ៉ាប់តាមរយៈបទចម្រៀង (Nasheed) រឿងនិទានអប់រំ ការលេងល្បែងសិក្សា និងការអនុវត្តកាតព្វកិច្ចសាសនាបឋម (ដូចជាការស្វាគមន៍ Salam និងការរក្សាអនាម័យ)។
ជំរុញឱ្យកុមារមានភាពក្លាហានក្នុងការនិយាយភាសាបរទេស ស្រឡាញ់អនាម័យ និងចេះចែករំលែក (ភាតរភាព) ជាមួយមិត្តភក្តិ។